Love, Siargao, mapapanood na sa GMA simula September 28

Nakatakdang mag-premiere sa GMA Network noong September 28 ang 'Love, Siargao' na pinagbibidahan nina Alden Richards at Nadine Lustre. Gusto raw ni Alden na maibahagi ang excitement at emosyon ng panonood nito sa mga Kapuso viewers, hindi lang sa Pilipinas kundi sa buong mundo.

Para naman kay Nadine, layunin ng series na ipakita ang ganda ng Siargao. Umaasa pa siya na magkaroon ng mga susunod na version na tutukoy sa ibang lugar gaya ng 'Love, Baguio' o 'Love, Siquijor'.

Bago matapos ang series, kinuwento ni Nadine na nakahanap siya ng tunay na kaibigan kay Alden at sa iba pang cast members. Aminado siya na mahirap makahanap ng totoong kaibigan sa showbiz at kahit sa labas ng trabaho, pero hanggang ngayon ay nag-uusap at nag-hahang out pa rin sila.

Ang kuwento ay tungkol kina Jao (Alden) at Kara (Nadine), dalawang stranger na magkaiba ang prinsipyo sa buhay pero magtatagpo ang landas habang hinaharap ang mga ups and downs ng modern romance.

Katuwang din sa cast sina Kyline Alcantara, Kim Ji Soo, AZ Martinez, Vince Maristela, Kakki Teodoro, at Cristopher Diwata. Ang series na ito ay produkto ng partnership sa pagitan ng GMA Network, Viu Philippines, at Viva Communications.

Sa ngayon, mapapanood ang 'Love, Siargao' tuwing Biyernes at Sabado, 6 p.m. sa Viu Philippines. Sana talaga magkatotoo ang wish ni Nadine para may 'Love, Baguio' naman tayo soon, 'di ba?