Anne Curtis, gustong magka-baby ulit

Aminado ang actress at host na si Anne Curtis na pangarap pa niyang magkaroon ng isa pang anak kasama ang asawang si Erwan Heussaff. Sa segment na “Miss Q&A” ng It’s Showtime nitong Wednesday, Oct. 14, nabuksan ang topic tungkol sa mga bagay na gusto pa nilang gawin dahil life is too short.

Sabi ni Anne, goal niya bilang magulang na magtrabaho nang husto para ma-secure ang future ng mga anak niya. Pero hindi lang doon huminto ang wish list niya dahil hiling niya talaga na madagdagan pa ang members ng family nila. Sana, sana ibigay ni Lord, saad niya.

Kuwento rin ni Anne at ni Vice Ganda tungkol sa fertility ng mga babae na bumababa raw habang tumatanda, kumpara sa mga lalaki na pwedeng magka-anak kahit late na sa buhay. Dagdag pa ni Anne, may point na titigil talaga ang mundo ng isang babae dahil nagiging nanay na siya, habang sa mga lalaki naman ay "life goes on."

Hindi lang naman si Anne ang nag-share ng goals sa usapan. Para kay Jhong Hilario, gusto pa niyang magtrabaho nang magtrabaho para makaipon para sa future ng anak niyang si Sarina. Gusto raw niyang may maiwan na pundasyon para sa anak kung sakali mang mawala siya.

Si Vice Ganda naman ay mas simple ang hiling: ang tumawa hangga't kaya niya. Ito rin daw ang dahilan kung bakit mas binawasan niya ang paggamit ng social media nitong mga nakaraan.

Kasal na sina Anne at Erwan simula November 2017 sa New Zealand, at welcomed nila ang kanilang first child na si Dahlia Amélie noong 2020.

Sana talaga ma-grant ang wish ni Anne, kasi imagine, another mini-Anne in the house!