یوٹیوبر راجب بٹ کی سابقہ اہلیہ ایمان فاطمہ نے ماہانہ خرچ اور جہیز واپسی کے لیے عدالت سے رجوع کر لیا!

راجب بٹ کی سابقہ اہلیہ، ایمان فاطمہ، نے گارڈین کورٹ میں درخواست دائر کر دی ہے جس میں انہوں نے اپنے لیے اور اپنے بیٹے، کیوان، کے لیے ماہانہ خرچ اور جہیز کی واپسی کا مطالبہ کیا ہے۔ ان کا مطالبہ ہے کہ انہیں خود کے لیے دو لاکھ روپے اور بیٹے کے لیے پانچ لاکھ روپے ماہانہ دیے جائیں، یعنی کل سات لاکھ روپے ہر مہینے کا خرچ۔

اس کے ساتھ ہی انہوں نے شادی کے وقت دیے گئے ستاسی لاکھ بانوے ہزار روپے مالیت کے جہیز کے سامان کی واپسی کا بھی مطالبہ کیا ہے۔ عدالت نے راجب بٹ کو نوٹس جاری کر دیا ہے اور انہیں 23 اکتوبر 2026 تک اپنا جواب جمع کرانے کا حکم دیا ہے۔

ایمان فاطمہ نے درخواست میں الزام لگایا ہے کہ راجب بٹ نے شادی کے چند ماہ بعد ہی انہیں گھر سے نکال دیا تھا اور طلاق کا نوٹس بھیجا تھا، لیکن طلاق ابھی تک مؤثر نہیں ہوئی۔ ان کا یہ بھی کہنا ہے کہ بچے کا خرچ ادا نہیں کیا گیا، اور راجب بٹ ماہانہ کروڑوں روپے کماتے ہیں۔