نادیہ خان نے بلال عباس کو 'کمزور کڑی' کہہ دیا، فینز بھڑک اٹھے!

اداکارہ نادیہ خان نے ایک ڈرامے میں بلال عباس خان کی اداکاری پر سخت تنقید کرتے ہوئے انہیں 'کمزور کڑی' قرار دے دیا، جس پر سوشل میڈیا پر ہنگامہ مچ گیا ہے۔

نادیہ خان نے یہ بھی کہا کہ وہ مستقبل میں بلال کی اداکاری اچھی لگی تو ایمانداری سے بتائیں گی، لیکن فی الحال وہ انہیں گوہر رشید کی طرح متاثر کن نہیں لگے۔ ان کے بقول، "باقی تین اداکار، گوہر رشید، سبینہ فاروق اور اسماء عباس اپنے کرداروں میں خوب جمے ہیں۔ وہ لاجواب ہیں، لیکن بلال عباس قائل کرنے والے نہیں ہیں۔"

نادیہ خان کے ان ریمارکس نے بلال عباس خان کے مداحوں کو شدید ناراض کر دیا۔ فینز نے فوراً اپنے پسندیدہ اداکار کے دفاع میں محاذ سنبھال لیا اور ان کی اداکاری کی مہارت اور سوچ سمجھ کر اسکرپٹ چننے کی تعریف کی۔ ایک مداح کے مطابق بلال نے بہت سوچ سمجھ کر ڈرامہ چنا اور ان کا کردار ایک انٹروورٹ کا ہے۔

صرف یہی نہیں، بلکہ کچھ ناقدین نے نادیہ خان کی اپنی اداکاری کی صلاحیتوں پر بھی سوال اٹھا دیے، ایک تبصرہ نگار نے تو یہاں تک کہہ دیا، "وہ ڈراموں پر تبصرہ ہی کیوں کر رہی ہیں جب انہیں بیسک اے بی سی بھی نہیں معلوم۔" لگتا ہے اس بار نادیہ خان نے پنگا لے لیا ہے، اب دیکھنا یہ ہے کہ یہ معاملہ اور کتنا گرم ہوتا ہے!