کبریٰ خان نے بتایا کیوں سائن کیا "نور جہاں"؟

اداکارہ کبریٰ خان یو کے میں فلسطینی فنڈ ریزنگ ایونٹ کے سلسلے میں دورے پر ہیں، جہاں انہوں نے فینز سے ملاقات کی اور اپنے کام کے بارے میں سوالات کے جواب دیے۔ انہی سیشنز کے دوران، انہوں نے اپنے ڈرامے "نور جہاں" میں کام کرنے کی وجہ بھی شیئر کی۔

کبریٰ خان، جو پاکستان کی مشہور اداکارہ ہیں، نے بتایا کہ جب انہیں شروع میں یہ رول آفر ہوا تو انہیں لگا تھا کہ "نور جہاں" ایک روایتی سی کہانی ہے، ایسی جو وہ عام طور پر نہیں کرتیں۔ لیکن جب انہوں نے اسکرپٹ پڑھا تو انہیں سمجھ آیا کہ "یہ کہانی ساس بہو کے زہریلے رشتوں کے بارے میں نہیں بلکہ یہ نسل در نسل چلنے والے ٹراماز (صدمات) اور کیسے نور بانو (ان کا کردار) نے انہیں بدلا، اس بارے میں ہے۔"

اسی بات نے انہیں نور بانو کا کردار قبول کرنے پر آمادہ کیا اور یوں انہوں نے "نور جہاں" میں کام کیا۔