احد رضا میر کا بڑا اعلان: اگلے سال شوبز سے مکمل بریک!

پاکستانی اور کینیڈین اداکار احد رضا میر نے حال ہی میں ایک انسٹاگرام لائیو سیشن کے دوران اپنے مداحوں کو سرپرائز دیتے ہوئے اعلان کیا کہ وہ اگلے سال شوبز سے ایک سال کا وقفہ لے رہے ہیں۔ احد نے بتایا کہ وہ یہ وقت اپنے خاندان کے ساتھ گزارنا چاہتے ہیں اور اپنی پروفیشنل زندگی سے سکون حاصل کرنا چاہتے ہیں۔

احد نے خود ہی اپنے فینز کو تیار کرتے ہوئے کہا، "برو، میں تو اگلے سال چھٹی پر ہی ہوں۔ میں سب کو ابھی بتا دوں، سب کو تیار کر دوں، سب کو اس کے لیے پریپ کر دوں۔ اگلے سال، میں چھٹی پر ہوں!"

ان کا کہنا ہے کہ یہ ایک طرح کی "سیمی ریٹائرمنٹ" ہوگی جہاں وہ لائم لائٹ اور انسٹاگرام سے بھی مکمل طور پر دور رہیں گے۔ فینز اس خبر پر کافی حیران ہیں، کیونکہ احد کے کئی نئے پروجیکٹس ابھی آنے والے ہیں۔ تاہم، انہوں نے اسے مستقل ریٹائرمنٹ قرار نہیں دیا۔

اب دیکھتے ہیں ہمارے انسٹاگرام فیڈز اگلے سال احد کے بغیر کیسے لگتے ہیں! آپ کیا کہتے ہیں، ان کا یہ فیصلہ صحیح ہے؟