طارق لطفي: الفنانين اللي دخلوا البيزنس برافو عليهم عشان مش حاسين بأمان

طارق لطفي شايف إن اتجاه بعض الفنانين لعالم البيزنس خطوة إيجابية جداً، وفي مداخلة تليفونية قال: "طبعاً الفنان اللي يعمل كده برافو عليه، لأن هو فعلاً مش حاسس بأمان".

لطفي وضح إن الفرق كبير بين وضع الفنان في مصر وبالخارج، لأن أي حد شارك في مسلسل بره ممكن يدخل له مليون دولار في الشهر من حقوق الأداء وإعادة العرض، حتى لو كان مخلص المسلسل من 15 سنة، وده اللي بيخليهم عايشين بشكل كريم.

وعلى عكس الوضع ده، أكد لطفي إن "السندة دي" مش موجودة عندنا في مصر، وبالرغم من إننا سوق كبير، بس مكنش فيه اهتمام كافي بفكرة تصدير الفن طول الفترة اللي فاتت.