سرحات ينقذ زينب في لفة جديدة من مسلسل ورود وذنوب

زينب كانت ماشية في طريق الانتقام من غير ما تدرك حجم الخطر اللي كان بيقرب منها، بس سرحات ظهر في الوقت المناسب وأنقذها بعد ما خاطر بنفسه عشان يحميها. المواجهة دي خلت سرحات يقرر يتعامل مع زينب بصراحة أكتر، ومصمم يحكي لها الحقيقة، وده بيفتح الباب لتطورات جديدة في علاقتهم.

على الناحية التانية، عذراء عايشة صراع حقيقي وقرار مصيري؛ لأنها بتحاول تلاقي حل يحمي جيهان من التعذيب، وفي نفس الوقت تضمن إن طفلها ميتـرباش معاه. الأزمة دي حطتها في موقف صعب لأن أي خطوة هتاخدها هتأثر على حياتها وعلى كل اللي حواليها.

براك كان مركز كل اهتمامه في رعاية قادر، بس اللي حصل بين موتلو وجيهان قلب الموازين. موتلو وقعت في كارثة جديدة، ونتايجها بتنعكس مباشرة على حياة براك وبتقلب حسابات كتير عنده الفترة الجاية.

والمفاجآت مخلصتش هنا، إلكيم وهايال لسه متمسكين بالأمل إنهم يرجعوا والدتهم، وقرروا ياخدوا خطوة غير متوقعة تماماً. سرحات وزينب اكتشفوا اللي عملته البنات، ودخلوا في مواجهة جديدة مليانة تساؤلات عن اللي هيحصل في الحلقات الجاية.

المسلسل بيحكي قصة سرحات، اللي عاش طفولة قاسية بعد ما والده تخلى عن أسرته وانهار الوضع المالي لعيلته، وبقى رجل أعمال ناجح، وبنى حياته على النزاهة وحماية العيلة، لكنه دلوقتي بيواجه صراعات بتفتح ملفات قديمة في حياته. المسلسل من بطولة مراد يلدريم، وجيمري بايسال، وأحمد سراج أوغلو، وبيتعرض كل يوم سبت الساعة 8 مساءً على قناة Kanal D التركية.

تفتكروا صراحة سرحات مع زينب هتخليها تسامحه ولا هتزود المشاكل؟