Dua Lipa "shpërthen" rrjetin me vallen shqiptare me gotë mbi kokë në dasmën e kushëririt

Dua Lipa ka tërhequr sërish vëmendjen e mediave britanike pas një momenti nga një dasmë familjare në Prishtinë. Vajza jonë e bëri prapë, por këtë herë jo me muzikë të re, por me një nga momentet më karakteristike të festave shqiptare: valle me gotë mbi kokë!

Këngëtarja u pa duke vallëzuar me babain e saj, Dukagjin Lipa, duke mbajtur gotën me elegancë (dhe seriozitet!) në kokë. Siç u raportua, Dua udhëtoi në Kosovë për dasmën e kushëririt të saj, And Gjakova, i cili u martua me Rozafa Kelmendin.

Dua vetë ndau pamje nga festa në Instagram, duke na dhënë një shije të atmosferës super familjare. Videoja ku vallëzon me babain e saj, ndërsa të ftuarit duartrokisnin dhe brohorisnin, tërhoqi vëmendjen më shumë. Dhe Dukagjini komentoi me humor postimin e saj: Unë jam duke vallëzuar ende, — gjenial, apo jo?

Këngëtarja ndau edhe një mesazh për çiftin e sapomartuar, duke thënë se Kushëriri im u martua me gruan e ëndrrave të tij dhe ne patëm një dasmë të madhe shqiptare! Pastaj shtoi në shqip, aty ku na mori zemrën: Rrethi jonë po rritet!!!!! Normal, kush nuk do të ishte pjesë e këtij “rrethi”?!

Në festë, Dua ishte e rrethuar nga familja e saj, përfshirë babain Dukagjin, nënën Anesa, motrën Rina dhe vëllain Gjin. Për këtë mbrëmje festive, ajo kishte zgjedhur një fustan elegant të zi, me pupla dhe shpinë të zbuluar – një zgjedhje top, duhet thënë!

Lidhja e Dua Lipës me Kosovën dhe origjinën e saj shqiptare është tashmë e njohur. Edhe pse ka lindur në Londër, shqipja ka qenë gjuha e saj e parë. Në vitin 2022, ajo mori edhe shtetësinë shqiptare. Së bashku me babain, ajo ka themeluar edhe Fondacionin Sunny Hill, që mbështet iniciativa sociale dhe kulturore në Kosovë.

Vizita e këngëtares në Prishtinë vjen pak muaj pasi ajo u martua me aktorin britanik Callum Turner. Ajo e ka përshkruar ditën e dasmës së saj si një moment të veçantë, duke treguar se me Turner u përpoqën të qëndronin afër njëri-tjetrit edhe mes turmës së të ftuarve. Kështu bëhet, kur ke dasma me atmosferë shqiptare, rri afër atij tëndit, se të humbet në valle!