Bora Zemani pa ekran këtë sezon? Ku mbeti supermoderatorja!

Sezoni i ri televiziv ka nisur, por një emër i njohur mungon në ekran: Bora Zemani. Pas disa vitesh si fytyrë e njohur e Top Channel, moderatorja nuk shfaqet në programacionet e reja dhe, deri më tani, nuk ka lajmëruar asnjë projekt të ri.

Largimi i Bora Zemanit nga Top Channel ishte raportuar në javët e fundit, duke lënë vend për shumë thashetheme dhe mundësi të ndryshme për karrierën e saj televizive. Një prej opsioneve që qarkulluan ishte kalimi i saj te Vizion Plus. Megjithatë, as moderatorja e as televizioni nuk e kanë konfirmuar këtë marrëveshje.

Emri i Zemanit u përmend gjithashtu edhe si një mundësi për sezonin e ri të "Ferma VIP". Edhe ky opsion mbeti pa konfirmim, ndërsa sipas raportimeve, drejtimin e sezonit të tretë pritet ta marrë sërish Arbana Osmani. Epo, s'po lëmë gjë pa përmendur!

Kështu, në fillim të këtij sezoni të ri, Bora Zemani nuk ka bërë asnjë njoftim publik për një program apo një datë të saktë për kthimin e saj në ekran. Ajo u bë veçanërisht e njohur me drejtimin e "Për'puthen" në Top Channel, e më pas mori në dorë edhe "Dancing With The Stars", duke përfshirë edhe sezonin pasardhës të spektaklit.

Jashtë ekranit, Zemani vazhdon aktivitetin e saj në rrjetet sociale dhe angazhimet në biznesin e veshjeve. Duket se po i dedikohet pak më shumë këtyre. Derisa të vijë një njoftim nga vetë moderatorja ose një stacion televiziv, projekti i saj i ardhshëm televiziv mbetet i paqartë. Po kush e di, ndoshta po përgatit diçka super sekret!