Bebe Rexha dhe Ledri Vula dorë për dore në Nju Jork? E vërteta pas fotove virale!

Një seri fotosh që tregonin Bebe Rexhën, këngëtarja e njohur ndërkombëtarisht, dhe reperin shqiptar Ledri Vula, duke shëtitur dorë për dore nëpër rrugët e Nju Jorkut, i vunë zjarrin rrjeteve sociale. Spekulimet për një romancë mes dyshes u ndezën menjëherë, duke bërë xhiron e internetit me shpejtësi marramendëse.

Por, siç ndodh shpesh me gjërat që shpërthejnë online, e vërteta pas këtyre imazheve rezultoi të ishte krejt tjetër. Shpejt u zbulua se fotot që qarkulluan me aq bujë, ishin identifkuar si të rreme nga platformat që analizojnë përmbajtjen e krijuar me inteligjencë artificiale. Pra, ajo shëtitja "romantike" në Amerikë ishte thjesht një iluzion dixhital, jo një moment real mes dy artistëve.

Megjithatë, takimi i tyre nuk ishte aspak i rastësishëm. Ledri Vula ishte i pranishëm në dasmën madhështore të vëllait të Bebe Rexhës, Florentit. Ceremonia u zhvillua në Nju Jork më 11 tetor.

Reperi shqiptar ishte mes të ftuarve specialë të dasmës dhe performanca e tij sigurisht që e ngriti atmosferën festive. Edhe vetë Bebe Rexha iu bashkua muzikës, duke kënduar dhe vallëzuar në shoqërinë e familjes dhe miqve. Në skenë performoi gjithashtu edhe këngëtarja Yllka Kuqi.

Pra, dy artistët vërtet u takuan në Shtetet e Bashkuara, por jo në rrethanat që sugjeronin ato foto virale. Tani që e vërteta doli në pah, a do të vazhdojnë thashethemet, apo do t'i lëmë fotot false t'i marrë era?