Will Ashley, nanalo ng Gawad Urian Best Supporting Actor

Wagi na si Will Ashley sa Gawad Urian! Nakuha ng Sparkle star ang award para sa Best Supporting Actor dahil sa kanyang performance bilang si Arvin Asuncion sa pelikulang "Bar Boys: After School".

Sa kanyang acceptance speech, hindi naiwasang magpasalamat si Will sa buong production team na nagtiwala sa kanya. Binanggit din niya ang pasasalamat para sa kanyang pamilya, mga kaibigan, at sa Sparkle.

Ayon kay Will, patuloy siyang ginugulat ng Diyos dahil ang mga pangarap lang niya noon ay nagkakatotoo na. Inalay din niya ang award na ito sa lahat ng mga nangangarap at sa mga kumukuha ng bar exams. Ayon sa kanya, huwag daw titigil sa paniniwala at pangarap dahil "the fight continues," gaya na lang ni Arvin Asuncion na matapang na lumaban muli hanggang sa pumasa.

Ang pelikulang ito, na idinirek ni Kip Oebanda, ay isa sa mga entry sa Metro Manila Film Festival 2025. Sequel ito ng "Bar Boys" noong 2017 na pinagbidahan nina Carlo Aquino, Rocco Nacino, Kean Cipriano, at Enzo Pineda.

Bukod sa panalong ito, abangan din natin si Will sa susunod niyang project, ang GMA Afternoon Prime series na "Delivery Boi".

Congrats, Will! Sino kaya sa atin ang susunod na papasa sa bar exams after mapanood 'to?