Mom ni Inka Magnaye, nawalan ng voice-over job dahil sa AI

Nag-share si Inka Magnaye ng screenshot ng message mula sa kanyang ina na nagsabing nawalan ito ng voice-over job dahil pinalitan ng AI. Hindi binanggit ni Inka kung sino ang client, pero sinabi niyang isa itong major brand.

Sa kanyang social media post, inamin ni Inka na nadurog ang puso niya para sa lahat ng artists at creatives. Get niya naman na may mga business decisions na kailangang gawin para sa interes ng kumpanya, pero nanawagan siya sa mga tao na isipin kung saan nila ginagastos ang pera nila.

Para kay Inka, ang paggastos ng pera ay parang pag-vote sa kung anong future ang gusto nating mangyari. Kinuwestiyon niya kung ito ba talaga ang future na gusto ng mga malalaking kumpanya—yung papalitan ang human talent ng AI. Para sa kanya, tool lang dapat ang AI at hindi dapat ginagamit ethically para palitan ang tao.

Lifeless AI

Binatikos din ni Inka ang AI-generated voice-overs, art, at music dahil wala raw itong qualities ng human creativity. Sabi niya, lifeless ang tunog ng AI VOs, lifeless ang AI art, at lifeless din ang AI music dahil hindi naman buhay ang AI at hinding-hindi nito kayang i-replicate ang totoong buhay.

Kahit alam niyang nakakatipid ang mga kumpanya sa paggamit ng AI, paalala ni Inka na ang mga human artists ay consumers din na sumusuporta sa mga business na kumukuha sa kanila.

Bilang voice actor at content creator, sinamantala na rin ni Inka ang pagkakataon para i-promote ang kanyang ina. Sinabi niya na kung may brand o kumpanya na naghahanap ng amazing voice-over, available na ulit ang schedule ng mom niya dahil lang sa nawalang project.

Kabilang si Inka sa voice cast ng Philippine release ng DC film na "Blue Beetle" at nag-voice rin siya bilang AI ni Good Boy sa "Start-Up PH." Mayroon din siyang ASMR podcast na "Sleeping Pill With Inka."