The Watcher Season 2, simulan na ang production!

Nagsimula na noong Biyernes, October 2, ang production para sa Season 2 ng The Watcher. Balik-tambalan dito sina Naomi Watts, ang actress na gumanap bilang matriarch na si Nora, at si Bobby Cannavale bilang asawang si Dean. Kasama rin silang muli sa cast sina Isabel Gravitt na gumanap na anak na si Ellie, at ang character actress na si Margo Martindale bilang ang tsismosa nilang kapitbahay na si Maureen o "Mo."

Para sa mga nakalimot, ang drama na ito mula kina Ryan Murphy at Ian Brennan ay tungkol sa pamilya Brannock na lumipat sa isang suburban home na akala nila ay dream house, pero naging nightmare nang makatanggap sila ng mga ominous letters mula sa isang taong nagpakilala bilang "The Watcher." Sa teaser para sa second season, sinabing "just the beginning" pa lang ang mga nangyari sa unang bahagi.

Originally, miniseries lang dapat ang The Watcher na loosely based sa isang viral article noong 2018 mula sa The Cut. Pero dahil naging hit ito—nanatili ng five weeks sa Top 10 list ng Netflix para sa most-watched English language shows at pumasok sa Top 10 ng mahigit 90 countries—na-renew ito para sa second installment. Medyo matagal-tagal din tayong naghintay dahil noong 2022 pa nailabas ang Season 1.

Hindi ito ang unang beses na nag-hit ang tandem nina Murphy at Brennan sa Netflix. Sila rin ang nasa likod ng anthology series na Monster na tumatalakay sa mga sikat na killers sa American history. Ang Monster ay nakakuha na ng mahigit 320 million views sa apat na seasons nito, kung saan ang The Jeffrey Dahmer Story ang nanatiling 7th most popular series ever sa Netflix. Lahat ng apat na seasons ng Monster ay nakaabot sa No. 1 ng global Top 10 list, kabilang na ang Monster: The Lizzie Borden Story na nailabas noong September 17 at nakakuha na ng 26.6 million views sa 92 countries.

Sana naman ay hindi lang puro sulat ang makikita natin sa bagong season, kundi may actual na closure na kung sino ba talaga itong Watcher na 'to. Ready na ba kayong ma-stress ulit?