Sophia ng Katseye, nag-solo debut na sa soundtrack ng 'Forgotten Island'

Pasok na sa solo era si Sophia Laforteza ng global girl group na Katseye. Para sa soundtrack ng 'Forgotten Island' ng DreamWorks Animation, nag-contribute ang singer ng isang reimagined version ng kanta ng INXS na "Never Tear Us Apart."

Sabi ni Sophia, ang project na ito ay isang natural progression para sa kanyang solo career. Fit na fit daw ito sa kanyang personal values at cultural roots, lalo na't focus ang pelikula sa female empowerment, community, at heritage. Para sa kanya, ito ang "most Sophia thing" na magagawa niya sa pagsisimula ng kanyang solo journey dahil sa pag-celebrate nito sa kultura, pamilya, pagkakaibigan, at mga kababaihan.

Sa movie naman, papasok ang cover na ito sa isang emotional turning point nina Jo at Raissa, ang dalawang lead characters. Hindi rin nag-iisa si Sophia sa soundtrack dahil punong-puno ito ng Filipino at Filipino-American talent gaya nina Lea Salonga at ang mga grupong BINI at SB19.

Kaso, timing ito sa pag-step back ni Sophia mula sa mga activities ng Katseye. Noong August, inanunsyo ng HYBE at Geffen Records na pansamantalang hihinto muna ang singer sa promotional activities para mag-focus sa kanyang mental health at well-being. Siya ang pangalawang member na kumuha ng mental health hiatus matapos si Manon Bannerman.

Kahit pansamantalang nakahinto sa group activities, bahagi pa rin si Sophia ng soundtrack ng pelikula.