Luiz Ejlli, me familjen në protestë: Situata kërkon zgjidhje!

Të dielën në Tiranë u pa diçka që nuk e shohim shpesh: Luiz Ejlli, këngëtari i njohur dhe fituesi i Big Brother VIP Albania, i ishte bashkuar protestës qytetare. Por nuk ishte vetëm, jo! Ai kishte marrë me vete edhe bashkëshorten, moderatoren Kiara Tito, dhe vajzën e tyre, Lunën. Një dalje familjare krejt ndryshe nga ç'jemi mësuar të shohim!

Gjatë pjesëmarrjes në tubim, Luiz Ejlli ka theksuar se situata kërkon një zgjidhje. Duket se edhe yjet tanë të ekranit janë bërë pjesë e revoltës qytetare që ka përfshirë Shqipërinë ditët e fundit.

Prania e Luizit me familjen e tij, në ditën e gjashtë të këtyre protestave — të nisura fillimisht nga studentët dhe më pas të zgjeruara me tensione dhe përplasje me policinë — shënon përfshirjen e tij publike në debatin më të nxehtë të momentit. Nga skenat e muzikës dhe Big Brother, tani e shohim në mes të zhvillimeve që mbajnë frymën e gjithë Shqipërisë.

Epo, kush e di, ndoshta po lind trendi i VIP-ave që dalin në protesta me familjen? Jemi gati për fotot e ardhshme!