“A keni gjak a jo?” Stresi me thirrje nga protesta e Tiranës, mes gazit lotsjellës!

Arkimed Lushaj, ose siç e njeh bota Stresi, paska qenë në mes të protestës në Tiranë dhe si duket, gazit lotsjellës nuk i ka shpëtuar dot. E pra, reperi ynë i dashur, që shpeshherë nuk rri rehat pa dhënë mendimin e tij për zhvillimet sociale, u shfaq mes studentëve dhe qytetarëve që kishin shprehur pakënaqësitë e tyre.

Videoja që ka ndarë në rrjetet sociale, e tregon Stresin me vështirësi, për shkak të gazit lotsjellës. Por kjo nuk e ka ndalur fare! Prapë ka gjetur forcën t'u bëjë thirrje të gjithëve: “A keni gjak a jo, hajdeni!”

Mesa duket, prania e tij ka tërhequr goxha vëmendje, pasi artisti shpeshherë ka reaguar publikisht për zhvillime që lidhen me shoqërinë dhe aktualitetin. Por, a e dinë të gjithë që kjo thirrje e tij do të bëjë vërtet diferencën?