Sheree Bautista, proud na proud sa ex na si Gian Magdangal at asawang si Lara Maigue

Happy for the ex? Yes, possible pala! Sa guesting ni Sheree Bautista sa "Fast Talk with Boy Abunda" noong Huwebes, ibinahagi niya ang positive vibes at support niya para sa dating partner na si Gian Magdangal at ang asawa nitong si Lara Maigue.

Kuwento ni Sheree, naging emotional siya habang nanonood sa pagpapalitan ng vows nina Gian at Lara sa kanilang kasal. Pero bago pa man humantong sa proposal, nag-usap na raw sila ni Gian. Sabi pa ni Sheree, sinabihan niya si Gian na I think Lara is the best girl for you noong tinanong siya nito kung OK lang bang mag-propose si Gian kay Lara.

Para kay Sheree, swak na swak ang dalawa dahil mabuting tao si Lara at pareho silang respectful. Inilarawan niya ang relasyon nila nina Gian at Lara na parang magkakapatid.

Ang promise na pang-forever

Siyempre, hindi mawawala ang hirit ni Sheree kay Tito Boy tungkol sa sarili niyang "forever." Aminado ang Viva Hot Babes member na madalas niyang itanong kung kailan kaya siya makakapag-asawa kapag magkakasama sila. Dito na pumasok ang isang touching na promise mula kina Gian at Lara.

Sabi ni Lara sa kanya, Don't worry about it. If you don't get married and you don't find your forever, let's just be neighbors, and Gian and I will take care of you. Nakaka-touch, 'di ba? Ganun na lang ang level ng friendship nila.

Peaceful family vibes

Masaya rin si Sheree na nakikita ng anak nilang si Haley kung gaano kapayapa ang sitwasyon nila bilang pamilya. Binigyang-diin niya na forgiveness ang susi rito. Aniya, fully forgiven na niya si Gian at kinalimutan na niya ang anumang nangyari sa kanila noon para yakapin ang kanilang pamilya.

Kasal na sina Gian at Lara noong October 2025 matapos ang kanilang relationship na nagsimula pa noong 2021. Na-engage ang couple noong July 2025.

Sana all may ganyang klaseng maturity sa ex, 'no?