Bailey May, gustong makatrabaho si Pokwang sa GMA

Sino’ng mag-aakala na si Pokwang ang dream leading lady ni Bailey May? Sa interview niya sa “Unang Hirit” noong Biyernes 9 Oktubre, inamin ng artist na ito ang gusto niyang makatrabaho sa kaniyang bagong journey bilang Kapuso.

Tanong sa kaniya kung anong klaseng projects ang gusto niyang i-explore sa GMA Network, at hindi siya nagdalawang-isip na piliin ang action, comedy, at horror. Pero nang tanungin kung sino ang gusto niyang leading lady, “Pokwang. Why not?” ang sagot niya.

Bago ang lahat, opisyal nang pumirma si Bailey sa Sparkle sa GMA Network noong Miyerkules 8 Oktubre. Sabi pa ng Sparkle sa social media, dala raw niya ang kaniyang years of experience bilang artist at performer sa bagong chapter na ito.

Sa parehong interview, nag-reflect din si Bailey sa naging experience niya bilang member ng global pop group na Now United. Tinawag niya itong “another blessing” sa buhay niya dahil marami siyang natutunan mula sa mga best choreographers at producers. Ayon sa kaniya, nagagamit niya sa GMA ang mga natutunan niya.

Nakilala si Bailey matapos maging 4th Big Placer ng “Pinoy Big Brother: 737” noong 2012.