ديستينكت ينافس على جوائز الڭرامي: واش المغرب غادي يرفع الجائزة؟

الخبر اللي فرح كلشي هو أن اسم الفنان المغربي ديستينكت، إلياس المنصوري، تقبل للمنافسة على جوائز "Grammy Awards" فجوج ديال الفئات: "أفضل فنان صاعد" و"أفضل أداء موسيقي عالمي". هاد الخطوة كتعتبر محطة جديدة ومهيمة بزاف فالمسيرة ديال ديستينكت، خصوصًا من بعد انضمامو لعام 2026 لفئة الأعضاء المصوتين فالأكاديمية الوطنية للفنون والعلوم التسجيلية، وهي الجهة اللي كتنظم هاد الجوائز.

ديستينكت قدر فالسنين اللخرة يفرض اسمو بقوة فالمشهد الموسيقي الدولي، بفضل الأعمال ديالو لي عندها واحد الخلطة فنية فريدة كتجمع بين الموسيقى العربية الأصيلة والبوب العالمي والإيقاعات الحضرية العصرية. وحقق أكثر من جوج مليار استماع على منصة سبوتيفاي. وراه ديجا تعاون مع نجوم عالميين بحال فرنش مونتانا، وجي بالڤين، وإم إتش دي، وموراد، فمحاولة منو باش يوصل الصوت والموسيقى العربية لجمهور أوسع بزااف فجميع أنحاء العالم. هادشي ماشي غير خبر عادي، هادشي راه فخر كبير للمغرب والموسيقى ديالنا.

دابا السؤال لي كيدور فالبال هو: واش غانشوفو ديستينكت كيهز "ڭرامي" هاد المرة؟ نتمنى ليه كل التوفيق والنجاح باش يمثل بلادنا أحسن تمثيل!