Rochelle Pangilinan, Patunay na Pwedeng May Career at Hands-on Mom!

Kung iniisip mo na impossible pagsabayin ang sikat na showbiz career at pagiging hands-on mom, well, here comes Rochelle Pangilinan para patunayan na mali ka! Ang Kapuso actress, na kilala natin bilang isa sa mga original SexBomb Girls, ay nagpapakita na kayang-kaya niyang mag-excel sa parehong mundo nang may ngiti.

Nitong mga nakaraang araw, kaliwa't kanan ang milestones na ni-celebrate ni Rochelle. Siyempre, top of mind diyan ang super successful na comeback ng SexBomb Girls. Para sa mga lumaki sa ere ng kanilang mga hit, bongga talaga ang muling pagbabalik. Pati ang bago nilang single na "Mama, Mama" ay nag-trending. At may ongoing world tour pa sila.

Si Rochelle ay mapapanood rin sa CinePanalo 2026 film na 'Apol of My Ai'.

Pero ang mas nakakatuwa at nakaka-inspire, kung paano niya sinasama sa lahat ng success na ito ang kanyang anak na si Shiloh. Imagine, proud na proud si Shiloh sa mommy niya! Naimbitahan siya na magsalita sa classroom ni Shiloh.

Hindi lang yan, super sweet din na sinisiguro ni Rochelle na ma-experience ni Shiloh ang ilan sa kanyang big moments. Isa dito ang pagkikita ni Shiloh sa BINI backstage sa isang SexBomb Girls concert.

Para kay Rochelle, ang balanse sa pagiging isang ina at sa kanyang career ay simple lang: maging present sa mga importanteng sandali. At syempre, ipaalam sa anak kung gaano kaganda at ka-exciting ang mundo na binuo niya.