بعد عام ديال التسنّي، “عيطة بلادي” غاتبان فالقناة الثانية!

واخيراً! بعد ما تسنينا "عام تقريباً" منذ تنظيم دورته الأولى، حفل “عيطة بلادي” غادي يجي عندنا للصالون مباشرة. سهرات المهرجان الفنية غتبث قريبا على القناة الثانية، وهذا خبر زوين بزاف لمحبين فن العيطة والموسيقى الأصيلة لي كيبغيوها بلمسة عصرية.
المهرجان لي دوز ثلاث ليالي فنية من 13 حتى 15 نونبر الماضي، غيعاود يرجع للواجهة. المهم هو أننا غانشوفو دوك العروض لي احتفلو بفن العيطة، و قدموها بقالب كيشد العين و الأذن، كيخلط بين الإيقاعات التراثية الأصيلة والتوزيعات الموسيقية لي فالموضة.
ولي عطى للسهرات رونق خاص هي المشاركة ديال قامات فنية . شفنا على الخشبة حجيب فرحان، عبد الحفيظ الدوزي، زينة الداودية، رجاء بلمير، منال بنشليخة، الداودي، والستاتي، بزاف ديال الفنانين لي قدمو فقرات غنائية متنوعة قدام الجمهور الذي تابع سهرات هذه الدورة. وغادي تكون برمجة الحفل على القناة الثانية فرصة لمتابعة أبرز فقراته من جديد.
