لو لسه ما بدأتش.. ميعاد عرض مسلسل المدينة البعيدة الجزء الثالث

الموسم الثالث من مسلسل المدينة البعيدة بيتعرض أسبوعيًا كل يوم إتنين الساعة 8 مساءً بتوقيت القاهرة على قناة Kanal D التركية.

بالنسبة لنا في مصر والوطن العربي، الحلقات متاحة عبر منصة شاهد وقنوات مجموعة MBC، وده بعد النجاح اللي حققه المسلسل في أول موسمين، ورجوعه مرة تانية بنفس الشخصيات اللي حبيناها بس بتطورات ومواجهات بتزود شدة الصراعات.

القصة بتلف حول علياء، اللي حياتها اتشقلبت بعد وفاة جوزها واضطرت تروح مدينة ماردين، وهناك بدأت تدخل في صراعات وأسرار مع عيلة جوزها. وطبعاً مش هتكمل الحكاية من غير رومانسية، لأن علياء دخلت في علاقة مع جيهان، وده خلى المشاعر تتشابك مع المشاكل العائلية المعقدة.

الموسم الثالث مكمل في السكة دي، ومركز على المواجهات بين الأبطال اللي خلت الجمهور مستني كل حلقة. والعمل ده بيضم مجموعة من الفنانين زي أوزان أكبابا، وسينم أونسال، وغونجا جيلاسون، ومفيد كاياجان، وأتاكان أوزكايا، وساهرا ساس، وديلين دوجر، بجانب فنانين تانيين في أدوار رئيسية ومساندة.

يا ترى علياء هتعرف تسيطر على الوضع في ماردين ولا الأسرار هتغلبها في الآخر؟